Última actualización: 28 de outubro de 2026
Este aviso legal regula o acceso e o uso de tiendalugo.es e dá cumprimento ao deber de información do artigo 10 da Lei 34/2002, de servizos da sociedade da información e de comercio electrónico (LSSI-CE).
1. Datos do titular
| Titular | ACHEGATEC S.L. (marca comercial Rekire) |
|---|---|
| NIF | B27340801 |
| Domicilio social | Rúa Galegos, nº 6, baixo — 27003 Lugo (España) |
| Rexistro Mercantil | Rexistro Mercantil de Lugo, tomo 360, libro 0, folio 214, folla LU-11216, inscrición 1.ª |
| Correo electrónico | info@tiendalugo.es |
| Teléfono | 982 048 282 |
En diante, «TiendaLugo» ou «nós».
2. Que é TiendaLugo
TiendaLugo é un escaparate informativo dos comercios de Lugo: amosa os seus produtos, prezos, horarios e localización para que poidas atopar o que buscas e ir á tenda ou contactar con ela. En TiendaLugo non se vende nada: non hai carriño, pagamentos nin envíos. Calquera compra, reserva ou encarga faise directamente co comercio, coas súas propias condicións.
Os produtos que ves en TiendaLugo ofréceos cada comercio, que é o único vendedor. TiendaLugo non intermedia en ningunha venda: non actúa en nome das tendas nin dos compradores, non recibe pagamentos nin comisións polas compras e non intervén no prezo, a entrega, as devolucións nin a garantía. É só unha canle para que coñezas as tendas de Lugo, vexas os seus produtos, saibas como contactar con elas e onde están.
Cada comercio é responsable da información que publica sobre si mesmo e sobre os seus produtos (descricións, prezos, ofertas, dispoñibilidade, horarios e datos de contacto). Se a do mostrador e a da web non coinciden, manda a do comercio.
Mentres se incorporan os comercios, parte do catálogo son comercios e produtos de exemplo, marcados como tales, que non existen nin se poden mercar.
3. Uso do sitio web
O acceso é gratuíto e supón a aceptación deste aviso legal e das Condicións de uso. Comprométeste a usar o sitio de forma lícita e, en particular, a non introducir código daniño, non tentar acceder a zonas restrinxidas ou a contas alleas, non extraer o catálogo de forma masiva ou automatizada e non usar os datos de contacto dos comercios para enviar publicidade non solicitada.
4. Propiedade intelectual e industrial
O deseño do sitio, as ilustracións, os textos propios, a marca TiendaLugo e o código son de Achegatec S.L. ou de terceiros que autorizaron o seu uso. Os nomes, logotipos, fotografías e descricións de cada comercio son dese comercio, que os publica aquí coa súa autorización. Non se permite reproducilos, distribuílos nin transformalos sen permiso do seu titular, agás para uso persoal e privado.
Os mapas amósanse con datos de © colaboradores de OpenStreetMap, baixo licenza ODbL.
5. Responsabilidade
TiendaLugo aloxa a información que publican os comercios e non responde da súa exactitude, nin dos produtos, prezos, reservas ou compras, que son unha relación directa entre ti e o comercio. Se temos coñecemento efectivo de que algún contido é ilícito ou lesiona dereitos de terceiros, retirarémolo con rapidez (artigo 16 LSSI-CE): avísanos en info@tiendalugo.es.
Procuramos que o sitio funcione sen interrupcións nin erros, pero non podemos garantilo. Tampouco respondemos dos sitios de terceiros aos que ligamos (webs e redes dos comercios, mapas, servizos de mensaxería). Nada do anterior limita os dereitos que a lei recoñece aos consumidores.
6. Datos persoais e cookies
Como tratamos os teus datos: Política de privacidade. Que cookies usamos: Política de cookies.
7. Lexislación e xurisdición
Este aviso legal réxese pola lexislación española. As controversias resolveranse ante os xulgados e tribunais do domicilio do usuario cando sexa consumidor e, noutro caso, ante os de Lugo.
